PERCY BYSSHE SHELLEY – Love’s Philosophy
පරිවර්තනය – දර්ශන අශෝක කුමාර
දිය උල්පත් මුසු වේවි ගංගාව සමඟ
එ’ගඟ වැළඳ ගති සාගරය
ස්වර්ගයෙන් හමන්නා වූ සුළඟ
ගැටෙයි මිහිරිතම හැඟුම් අතර
මෙලොව කිසිවක් නොවේ තනිව ම
දිව්‍යමය නීතියකින් බැඳී ඇත්තේය
සියලු ලෝ දහම
බලන්න උස් කඳු මුදුන් අහස සිපගන්නා’යුරු
රළින් රළ වැළඳ ගන්නා’යුරු
පිළිකුල් කරත් නම් පිරිමි මලක්
වෙත් ද සමාවක් ගැහැනු මලකට ?
හිරු එළිය බඳා වැලඳ ගනී මහපොළොව
සඳ කිරණ මුහුද සිප ගනී
මෙය වේ සොබා දමෙහි
මිහිරිතම සිත්තම
ඔබෙන් නොලදොත් හාදුවක්
මේ සියලු දේ නම් කුමට?
සිතුවම – William Holman Huntගේ The Hireling Shepherd (1851) සිතුවම
(උපුටාගැනීම -අන්තර්ජාලයෙනි)
