ආචාර්ය දර්ශන අශෝක කුමාර
පොත් ප්‍රදර්ශනය සමග මේ දිනවල කියවෙන දෙයක් තමයි අනේ පොත් ගන්න සල්ලි නෑනේ කියන එක.
ඇත්තට ම මේ පොත් ගන්න එකේ තේරුම මොකක්ද? මේ මහා පරිමාණයෙන් මුද්‍රණය වන පොත් කන්ද කවුද ඇත්තට ම කියවන්නේ.
මේ අවුරුද්දේ පොත් ප්‍රදර්ශනයෙන් ගෙනියන පොත් ප්‍රදර්ශනයෙන් ගෙනියන ඒවා ලබන අවුරුද්ද වෙනකම් තියෙනවා. ඇතැම් විට පොත් මිලදී ගැනීම් කරන්නේ යාලු මිත්‍රකම්වලට.
සිංහල භාෂාවෙන් පළ වෙමින් තිබෙන පොත් කන්ද ඇත්තට ම වටිනව ද?
බොහෝ පොත් අවුරුද්දක් දෙකක් යන කොට අමතක වෙලා යනවා. ඇතැම් පොත් පිළිබඳ හදන ජනප්‍රියත්වය කල්ලිවාද මත නිර්මාණය වන කෘතිම ඒවා.
ඉතා කලාතුරකින් අවුරුද්දට ම අතේ ඇගිලි ගානට අඩුවෙන් තමයි හොද සිංහල පොත් පිට වන්නේ.
මේ නිසා ම ඉතා වැදගත් පොතක් හැරුණු විට සිංහලෙන් පොත් කියවීම මම සම්පූර්ණයෙන් ම පාහේ අත ඇරලා දාලා තියෙන්නේ.
ඇත්තටම ඉංග්‍රීසියෙන් කියවීම කරන්න කියන උපදෙස මට ලැබුණේ මීට අවුරුදු 25කට පමණ උඩදි ආචාර්ය නන්දන කරුණානායකගෙන්.
ඒ උපදෙස දෙන වෙලාවේ ඔහුගේ මුහුණේ තිබුණු ඉරියව්වත් මැවිලා පේනවා.
මම හිතන්නේ ලංකාවේ මිනිස්සු හිමින් හිමින් හරි ඉංග්‍රීසි පොත් කියවන්න ගත්තොත් මහ විශාල වෙනසක් වෙයි කියලා.
